Ilm e Zakawt Wa Sadqat

Ilm-e-Zakawt Wa Sadqat

Ilm e Zakawt Wa Sadqat:

Roohani amliyat ka mozu zakawt wa sadqat k zikr k beghair adhoora hai koye bhi amil us waqt tak ”amal-e-saheeh” ka aehal nahi ho sakta jab tak us ne apne amal ki zakawt ada na ki ho is mozu per zaroori baton ka zikr bohat asan zuban mei kar diya geya hai. ta’k talib’ilmo ko mushkil bhi na ho aur wo asani k sath sharayet ko bhi pura kar saken. Amliyat mei aik aeham bunyadi masla zakawt ka hai aksar aamileen is ko nazar andaz kar detay hen nateeja’tan in ko jaga jaga nakami ka samna karna parrta hai pesha’war aamileen _to nakam hone per bhi jhoot, such bol kar kam chala letay hen.

lekin pareshani aur mayoosi muhaqqa’qeen ko aur un awam-un-nas ko gher leti hai jo apne masayel k liay aamileen k pas aaty hen is liay un tamam hazrat k liay zakawt ki adayege zaroori hai jo is rah mei qadam rakhnay ka iradah kar rahe hen. Akabireen ki tahqeeq k mutabiq zakawt ki haqeeqat yeh hai k haq ta’ala ne apni qudrat-e-kamila se har har harf per aur quran ki har har aayat per aur apne tamam asma per malayeka(farishto) ko muqarrar kar diya hai, aur har harf ka talluq kisi na kisi farishtay se wa’basta hai phir har woh farishta jo kisi harf ya aayat per nigran ho wo hessiyat-e-ba’manzala sardar k hota hai phir us k matehat aur bhi farishtay howa kartay henjo allah k banaye hoye qanoon aur zabitay k mutabiq apne sardar k ahkamat ki tameel karne per majboor hen.

Amliyat Mei Zakawt Ki Ahmiyat:

Yeh bat bilkul aam feham hai k hamaray kisi hukam ki tameel wohe shakhs kare ga jis se koye talluq ya ta’arruf ho ga be’taarruf aur bila talluq agar koye kam aa jaye to yeh sirf ittefaqi amar hai. warna is duniya mei kam usi ka kiya jata hai jis se shana’saye bhi ho aur kisi tarah ka talluq bhi is haqeeqat k pesh-e-nazar zara sochen jin moakeleen ya malayeka se hamara kisi bhi tarah ka tarruf ya talluq na ho. hum us aayat ka amal karne chalen jis aayat per bator-e-nigehban wo musallat hen tou bhala yeh kese mumkin hai k amal mei taseer peda ho jaye.

yeh bat apni jagah attal hai k asal cheez marziyat-e-khudawandi hai lekin yeh bat bhi apni jagah musallam hai k asbab ki is duniya mei sabab ikhteyar karna mizaj-e-nabavi (sal’allaho alaihe wa sallam) bhi hai aur hukme mola bhi is duniya mei jab kisi afsar ki sifarish se hamara kam banta hai tab bhi marzi-e-mola ko is mei dakhal hota hai malik-e-haqeeqi ki marzi k beghair na kabhi kuch howa hai na kabhi ho ga isi tarah amliyat ki rah farishton ki sifarish ya imdad se kam ban jaye tab bhi mola ki marzi wa izn ka us mei dakhal ho ga.

lekin jis tarah asbab ki is duniya mei yeh aqeedah rakhtay hoye k Allah he kay Izn se sab kuch hota hai hum balayee logo se sifarish karwatay hen aur afsaran ki khushamad kartay haen isi tarah amliyat mei taseer peda karne k liay malyeka , moakeleen se shanasaye peda karna aur un k zariay kam karanay ki jaddo jehad karna toheed k manafi nahi hai yaqeen ba’harhal dil mei yeh hona chahiay k karne wali zat haq ta’ala ki hai.

Amliyat Mei Nakami Zakawt Ada Na Karna:

Aap ne dekha ho ga beshumar log is duniya mei amal karat hen magar aksar log apne amal mei nakam ho jatay hen aur matlooba taseer samnay nahi aati to is ka saf matlab yeh hota hai, k amal mei kahen na kahen koye na koye kami baqi reh jati hai. jis ki waja se yeh amal be’taseer ho kar reh jata hai warna is duniya mei koye bhi cheez aise nahi jo be’iznillah moasser na ho lekin har cheez apna asar us waqt dikhati hai jab usay qayeday aur tareeqa se istemal mei laya jaye.

kisi bhi cheez se fayedah uthane k liay neki badi bhi koye mufeed aur mane’a nahi banti agar tareeqay se kam kiya jaye ga to bura aadmi bhi kuch na kuch le urray ga aur agar beqayedah kam kiya jaye to nek aur parsa insan bhi kamyabi se mehroom rahe ga.

is liay k asbab ki is duniya mei kamyabi se hamkanar hone k liay manzil ki taraf sahe qadam uthana zaroori hai , zehar k peyala nek aadmi piay ya bakar aadmi zehar apna asar dikha kar rahe ga aur isi tarah taryaq ka istemal bura aadmi kare ya bhala aadmi us ka asar bhi zahir ho kar rahe ga , shereeni sab k liay methi hoti hai , namak sab k liay namkeen hota hai , namkoli sab k liay karrwi hoti hai aisa nahi k namkoli nek aadmi k muon mei ja kar apna zayeqa badal de aur woh meethi ho jaye isi tarah aisa bhi nahi hai k koye methi cheez kisi be’kirdar insan k moun mei ja kar apna zayeqa tabdeel kar de aur talkh ban jaye.

Amal ki Zakawt:

Ism ilahi ya phir kisi ayat ki zakaat se murad wird ki woh makhsoos tadat hay jissay kernay kay baad uss isam ya aayat ki batni roohani qoowat amil ki dastras main aa jaati hay(iss tadat ko nikalnay kay bohat say rules hain).

Zakawt aur chillay ka farq:

Jab kay chilla say murad dinno ko woh makhsoos tadat hay jiss main kissi isam ya aayat ki batni qoowat amil ki dastras main aa jaati hay(dinno ki yea tadat 3 say lay ker 40 tek ya uss say bhi ziada hoo sakti hay. Simply saying Zakawt=amount of reading of amal(perhai ki tadat) and chilla=amount of days(dinno ki tadat).

Amal ki Zakawt ka maqsad hee amal ki batni roohani qoowat ko hasil kerna hoota hay.

Zakaat kay liyee ustaad ki ijazat:

1- ijazat ki zaroorat roohani support kay liyee hooti hay.

2- teacher bayshak wahan na hoo magar uss ki roohani powers wahan hooti han aur student ko ghaltiyon say bachati han.

3- aur sab say berhi baat kay ustaad ki dua her khatray kay samnay “Dhal”(shield) hooti hay.

Zakawt ki neeyat:

Aap ko amal say phelay apni neeyat ko khalis kerna hoo ga,ya aap apnay zaati masael kay hal kay liyee amal kerain,ya dosron kay masael kay hal kay liyee amal kerain. Jab meray samnay yea choice ayee thi too main nay “Faiz” ki rah apnai,laikin her insaan ki apni choice hooti hay.

Yaad rakhain, dosron ko saya dainay walla derakht(tree) khud hamesha direct sun light/heat kay neechay hoota hay.

Zakawt ki tadad ka taqarer:

Zakat kay liyee wird ki tadad maloom kernay ka tareeqa:

Kissi bhi amal ki zakat nikalnay kay bohat say tareeqay hootay han,aur main nay her tareeqa ko azmaya howa hay magar meray tajarba main zail ka tareeqa sab say pur-asar raha, zakat ki tadad ko nikalnay kay iss tareeqay kay 4 derjaat hootay han,her derjay ka tareeqa aur uss tadad koo perhnay ka faida zail main dekhain,

1)=zakat kay liyee wird ki tadad maloom kernay kay liyee amal kay adad e abjad ko amal kay haroof ki tadad say zerb dey ker “Zakat e awal” ki tadad hasil ki jaati hay faida=(iss say amal kissi aik maqsad main kamyabi daita hay)

2)=”Zakat e awal” ki tadad ko amal kay haroof ki tadad say zerb dey ker “Zakat e doom” ki tadad hasil ki jaati hay faida=(iss say amal aik say ziada kamoo main istmaal hoo sakta hay)

3)=”Zakat e doom” ki tadad ko amal kay haroof ki tadad say zerb dey ker “Zakat e soom” ki tadad hasil ki jaati hay faida=(iss say amal kay “Mowakkil” amil say manoos hoo jaatay han,aur ghaibi toer per sahib e dawat yeni amil kay ird gird ghomtay rehtay han)

4)=”Zakat e soom” ki tadad ko amal kay haroof ki tadad say zerb dey ker “Zakat e chaharum” ki tadad hasil ki jaati hay faida=(iss say amal kay mowakkil sahib e dawat yeni amil kay samnay mojassam hoo ker hamesha kay liyee hasir hoo jatay han)

Example:

Amal= “Complete bismillah” ka amal,

Adad e abjud=786
Haroof ki tadad=19

1-zakat e awal=786 x 19= 14,934
2-zakat e doom=14,934 x 19= 2,83,746
3-zakat e soom=2,83,746 x 19= 53,91,174
4-zakat e chaharum=53,91,174 x 19= 10,24,32,306

Some important points regarding the zakaat:

1-recite the amal(for which you are giving the zakaat) with darood sharif 7-7 times before and after the amal and pray for the success in amal or solution of your problems.

2-start the amal on new moon’s thursday.

3-distribute 40 nan kababs as “Kharaat/lunger e mola” before starting the amal

4-throw some balls of wet flour in water as sadqa every saturday or as directed by your own spiritual guide.

Baz aamal mei haroof ki tadad bhi kam hoti hai aur haroof k adad bhi kam hoty hen is surat mei zakawt barri se barri bhi adaa ho jati hai lekin fi zamana agar sirf ”zakawt-e-kabeer” he adaa kar de jaye to behter hai keon k is zamana mei himmaten bhi kamzor hen , tandrustiyan bhi pehle jesi nahi hen aur fursat bhi nahi hai lehaza ””Zakat e awal”” per he iktafa kar lena chahiay.

Spread the love